وحدت نیوز(کراچی) قرآن مجید مردہ دلوں کو زندہ کرنے والی کتاب ہے نہ کہ مردہ جسموں کو، امت مسلمہ کی جملہ مشکلات کی بنیادی وجہ قرآن کریم سے دوری ہے،اسلام دشمن قوتوں سے مبازہ قرآن کریم کی تعلیمات کا تقاضہ ہے، عالم اسلام نے یہود و نصاریٰ کو اپنا ولی و سرپرست بنا لیا ہے، ماہ رمضان المبارک قرآن سے انس کا بہترین موقع ہے، قرآن و اہل بیت ع میں جدائی امت مسلمہ کی تباہی کا پیش خیمہ ثابت ہوگی، ان خیالات کا اظہار مجلس وحدت مسلمین پاکستان کے مرکزی سیکریٹری تبلیغات علامہ اعجاز حسین بہشتی نے مقامی لان میں ایم ڈبلیوایم ضلع ملیر کے ذیراہتمام دعوت افطارسے خطاب کرتے ہوئے کیا، اس موقع پر پاکستان پیپلزپارٹی، پاکستان عوامی تحریک،پاکستان تحریک انصاف سمیت دیگر مذہبی اور ملی تنظیموں، قانون نافذکرنے والے اداروں کے حکام اور زندگی کے مختلف شعبوں سے تعلق رکھنے والے بھی موجود تھے۔

علامہ اعجاز بہشتی نے کہا کہ قرآن ایک مظلوم کتاب ہے، اسے پروردگار عالم نے جس مقصد کے تحت امت محمدی ص پر نازل فرمایااس سے استفادہ نہیں کیا گیا، قرآن مجید کو فقط مردوں کو بخشنے اور بیماروں کو ہوا دینے کی غرض سے استعمال کیا جاتا رہا ، جب کہ احادیث کے مطابق قران مجید مکمل آئین حیات ہے، قرآن مجیدمردہ دلوں کو زندہ کرنے والی کتاب ہے نہ کہ مردہ جسموں کو، انہوں نے کہا کہ امت مسلمہ کو درپیش چیلنجز، مشکلات ، مصائب اور سختیوں کی ایک بڑی وجہ روح قرآن ، منابع قرآن ، مناطق قرآن سے روگردانی بھی ہے، امت مسلمہ صریحاً احکامات قرآنی سے منکر ہے، بنی کریم ص نے واضح ارشاد فرمایا تھا کہ تمہاری رہنمائی کے لئے قرآن و اہل بیت ع چھوڑے جا رہا ہوں نے لیکن افسوس ہمارے اہل تشیع بھائیوں نے فقط اہل بیت ع کے دامن کو تھامہ اور قرآن کو کلی طور پر چھوڑ دیا، جب کہ اہل سنت بھائیوں نے قرآن مجیدسے تو اپنا رشتہ مضبوط رکھا لیکن اہل بیت ع کے دامن کو چھوڑ دیا،انہوں نے فلسطینیوں کی جملہ مشکلات اور اسرائیلی مظالم کی بنیادی وجہ بھی قرآن مجید سے قرار دیتے ہوئے کہا کہ یہود و نصاریٰ سے دوستی کی مخالفت پردردگار عالم کا فیصلہ ہے، لیکن ہمارے نام نہاداسلام پرست حکمرانوں انہی یہود و نصاریٰ کو اپنا ولی و سرپرست قرار دے دیا۔