وحدت نیوز (نجف اشرف) دفتر مجلس وحدت مسلمین نجف اشرف عراق میں مناسبت استشھاد امام زین العابدین علیہ السلام اور برائے ایصال ثواب فخر ملت تشیع فخر پاکستان شہید منیٰ حجت الاسلام والمسلمین ڈاکٹر علامہ غلام محمد فخرالدین (قدس سرہ) کے سلسلے میں مجلس عزا کا انعقاد کیا گیا۔
جس میں شیخ قمر عباس مطہری اور آصف علی غدیری نے ہدیہ سلام پیش کیااور حجت الاسلام والمسلمین قبلہ سید صادق شاہ رضوی نے خطاب کیااور سیرت امام زین العابدین ع اور مضائل و مناقب و مصائب مفصلاً بیان کیئےاور ساتھ سماحتہ السید نے فخرملت علامہ ڈاکٹر غلام محمد فخرالدین کی حیات طیبہ پر مفصل گفتگو کرتے ہوئے کہا کہ ڈاکٹر صاحب نے جیسی ہی بچپن سے جوانی کی طرف قدم رکھا ان کا مشغلہ ذکر آل محمد ص تھا۔اور ذکر آل محمد میں ہی مشغول رہتے تھے۔ جس کی وجہ سے دور دور سے لوگ آتے تھے اور ڈاکٹر صاحب کو فضائل و مصائب سنوانے کے لیے لے جاتے تھےاور جو بھی مشن آل محمد لے کر چلتے تھے تو ڈاکٹر صاحب ان کے شانہ بشانہ ہوتے تھے۔انہوں نے مزیدکہا کہ حوزہ علمیہ نجف و قم سے لے کر پاکستان کی سرزمین تک کوئی ایسی شخصیت نہیں ہے جو ڈاکٹر صاحب کی شخصیت سے ناواقف ہو،آخر میں جنرل سیکریٹری مجلس وحدت مسلمین نجف اشرف عراق الشیخ ناصر عباس النجفی نے اراکین مجلس وحدت مسلمین اور مجلس میں آئے ہوئے تمام طلاب و علماء کرام کا شکریہ ادا کیا۔
