The Latest
وحدت نیوز(اسلام آباد) مجلس وحدت مسلمین پاکستان کے مرکزی سیکریڑی تبلیغات علامہ اعجاز بہشتی نے وحدت سیکریٹریٹ سے جاری کردہ بیان میں کہا ہے کہ گلگت بلتستان میں چار روز سے دھرنا جاری ہے حکومت کو چاہیے کہ وہ فوری طور پر عوامی ایکشن کمیٹی کے چارٹر آف ڈیمانڈ کو تسلیم کریں اورگندم سبسڈی کو بحال کریں۔گلگت بلتستان کے غیور اور محب وطن عوام چارر روز سے اپنے جائز حقوق کے لئے پُر امن دھرنا جاری رکھا ہوا ہے جو کہ گلگت بلتستان کا تاریخی دھرنا ہے حکومت کو چاہیے کہ عوام کے صبر کا امتحان نہ لیں اور مطالبات کو فوری تسلیم کریں۔ان کا کہنا تھا کہ گلگت بلتستان کے عوام نے آئینی حقوق سے محروم ہونے کے باوجود ہر مشکل وقت میں وطن عزیز کے لئے قربانیاں دی ہے اور گلگت بلتستان کے جوانان پاکستان کے ہر محاز پر دشمن سے نبرد آزما ہے مگر افسوس کہ حکومت پاکستان نے چار روز گزنے کے باوجود گلگت بلتستان کے عوام کے جائز اور آئینی حقوق کو تسلیم نہیں کیا۔
علامہ اعجاز حسین بہشتی کا کہنا تھا کہ گلگت بلتستان کے عوام کے حوصلے کے ٹو کے مانند بلند اور پُر عزم ہے وہ اپنے جائز مطالبات کے تسلیم ہونے تک میدان میں رہینگے ۔حکومت پاکستان نے ہمیشہ گلگت بلتستان کے ساتھ سوتیلا سلوک کیا ہے گلگت بلتستان کے پاکستان سے الحاق ہوئے ۶۶ سال گزر چکے ہیں مگر ابھی تک آئینی حقوق سے محروم ہے اب نوبت یہاں تک آگئی ہے کہ عوام سے اُس کے بنیادی حقوق بھی غصب کیئے جارہے ہیں جو کہ لمحہ فکریہ ہے۔ان کا مزید کہنا تھا کہ گلگت بلتستان جغرافیائی طور پر نہایت اہم خطہ ہے اور یہ پاک چین رابطے کا واحد زمینی راستہ بھی ہے جو چار روز سے دھرنےکے باعث بند ہے ۔
وحدت نیوز(کراچی) شیعہ افراد کی ٹارگٹ کلنگ ریاستی اداروں کی نااہلی ہے ،عوام دہشتگردی کی بھیٹ چڑ رہی ہے ،حکومت کالعدم دہشتگرد گرہوں کوسکیورٹی فراہم کر رہی ہے، شہر قائد میں شیعہ عمائدین کے قتل کی ذمہ داری سندھ حکومت پر عائد ہوتی ہے۔ان خیالات کا اظہار مجلس وحدت مسلمین کے رہنماء علامہ عبداللہ مطہری ،حسن ہاشمی،رضا نقوی ،علامہ مبشر حسن نے گزشتہ دنوں کراچی میں ٹارگٹ کلنگ کا نشانہ بنے والے بوتراب اسکاؤٹ کے عہدیدار سید ارشد نقوی اور شیعہ تاجر صادق حسین کی نماز جنازہ کے بعداپنے مذمتی بیان میں کیا رہنماؤں کا کہنا تھا کہ حکومت جواب دے کہ دہشتگردی کا نشانہ بنے والے شیعہ افراد کے قتل میں کن دہشتگردوں کا ہاتھ ہے گزشتہ کافی عرصے سے جاری شیعہ نسل کشی میں کون سے بیرونی اور اندرونی ہاتھ ملوث ہیں اور کس کے ایماء پر شیعہ مسلمانوں کی نسل کشی کی جا رہی ہے؟ اور قانون نافذ کرنے والے اداروں کی جانب سے دہشتگردی کی روک تھام کیلئے مرتب کیئے گئے اسکواڈاور منظم پلاننگ کے باوجود شیعہ نسل کشی میں کوئی کمی کیوں واقع نہیں ہوئی روزانہ کی بنیاد پر ملت جعفریہ سے تعلق رکھنے والے عوامی خدمت گزاروں کو نشانہ بنایا جا رہا ہے ریا ستی ادارں کی جانب سے ٹارگٹ کلر ز پکڑنے کے کھوکھلے دعوئے کئے جا رہے ہیں حکومت عوام کے جان مال کے تحفظ میں یکسر ناکام ہو چکی ہے شہر کو دہشتگردوں کے رحم و کرم پر چھوڑ دیا گیا ہے کراچی میں بد امنی کی فضاء بدستور قائم ہے ۔
رہنماؤں کاکہنا تھا کہ حکومت سندھ کراچی میں شیعہ عمائدین کی ٹارگٹ کلنگ میں ملوث دہشتگردوں کو گرفتار کرنے میں ناکام ہو گئی ہے اور ایسا لگتا ہے کہ حکومت اور ریاستی ادارے کالعدم دہشت گرد گروہوں کی سرپرستی میں ملوث ہیں،شیعہ ڈاکٹرز ،وکلاء ، مساجد و امام بارگاہ کے ٹرسٹیز اور سر کاری و نیم سرکاری اداروں میں موجود اعلیٰ عہدوں پر فائض افراد بلخصوص شیعہ تاجروں سمیت اب اسکاؤٹس کوایک سوچھی سمجھی سازش کے تحت نشانہ بنایا جا رہا ہے، جو قانون نافذکرنے والے اداروں اور صوبائی حکومت پر سوالیہ نشان بن گیا ہے۔اور تمام قتل وغارت کی ذمہ داری گورنرسندھ اور وزیر اعلیٰ سندھ پر عائد ہوتی ہے۔ علامہ عبداللہ مطہری معصوم لوگوں کو نشانہ بنایا جانا بر داشت نہیں کیا جائیگا سندھ حکومت کالعدم گروہوں کو سر پرستی فراہم کرنا چھوڑ دے کراچی میں حقیقی امن طالبا ن حمایت یافتہ کالعدم جماعتوں کے خلاف آپریشن اور ان کو فوجی عدالتوں کی طرز پر سزا دیئے جانے سے ہی ممکن ہے۔قبل ازیں گزشتہ روز شہید ہونے والے بو تراب اسکاؤٹس کے رکن ارشد نقوی کی نماز جنازہ بعد نماز جمعہ جامع مسجد بوتراب عزیر آباد میں ادا کردی گئی اور میت کے ہمراہ ٹارگٹ کلنگ کے خلاف احتجاج کیا گیااس موقع شیعہ و سنی علماء و عمائدین سمیت مختلف اسکاؤٹس گروپس کے عہدیداران کی بڑی تعداد موجود تھی اس موقع پر نماز جنازہ میں شامل افراد نے دہشتگردی مردہ باد، شیعہ و سنی بھائی بھائی ،نا اہل قانون نافذ کرنے والے ادارے مردہ ، سندھ حکومت مردہ باد ،طالبان مردہ باد کے نعرے لگائے بعد ازاں تدفین وادی حسین قبرستان میں کی گئی۔
وحدت نیوز(کراچی) مجلس وحدت مسلمین شعبہ خواتین کراچی ڈویژن کے آفس میں مجلس وحدت مسلمین شعبہ خواتین صوبہ سندھ کی سیکریٹری جنرل خانم زہرانجفی کے ساتھ شعبہ خواتین کراچی ڈویژن و یونٹس کی میٹنگ کا انعقادکیا گیاجسمیں خانم زہرانے کراچی میں ہونے والی ٹارگٹ کلنگ کے حوالے سے گفتگو کرتے ہوئےکہا کہ پورے پاکستان میں ہمیں خا ص کر کراچی میں قانون نام کی کوئی چیز نظر نہیں آرہی آئے دن ہماری ملت کے سرمائے کو دہشگرد گولیوں کا نشانہ بناں رہے ہیں آپ کا مزید یہ بھی کہنا تھا کہ شاہد اللہ شاہد جو اب یہ کہہ رہے ہیں کہ معصوم لوگوں کو نشانہ بنانا حرام ہے تو اب یہ خیال کیسے آگیا؟ ہم سب نے دیکھا کہ سعودیہ سے فنڈز آنے کے بعد پورے ملک میں خا ص کر کراچی میں شیعہ ٹارگٹ کلنگ میں مزید تیزی آ گئ ہے۔ایسے میں ہماری ذمہ داری کیا ہے ہم دیکھ رہے ہیں کہ ہمارے جوانوں کو ہماری ملت کے سرما ئے کبھی کوئی پروفیسر،ڈاکٹر، انجینئر تو کبھی کوئی وکیل چن چن کر شہید کیا جا رہا ہے ان کا جرم ایک تو یہ ہے کہ یہ شیعہ ہیں دوسرے یہ کے یہ اپنے وطن کی خدمت اور اس کی ترقی کی ضمانت ہیں ایسے میں خاموشی ایک جرم ہے ہماری موجودہ حکومت ہماری قاتل بھی ہیں اور مجرم بھی۔خانم زہرانے کراچی ڈویژن اور تما م یونٹس کو تاکید کی کے وہ اپنے اپنے علاقوں میں سیاسی شعور اجاگر کرنے کے لیے پروگرامز مرتب کر یں ملت میں وحدت کی فضاء پیدا کریں یہ وقت آپس میں لڑنے کا نہیں یہ ملت کی دفاع کا وقت ہے یہ وحدت کا وقت ہے آپس میں روابط کو مضبوط کرئے اختلافات کو دورکریں صرف اپنے مکتب فکر سے ہی نہیں بلکہ اپنے پروگرامز میں ودسرے مکاتب فکر کے لوگوں کو بھی دعوت دیں۔
خانم زہرہ نے خطاب کے بعد نماز جماعت ادا کی گئی۔ نماز با جماعت کے بعد کا بینہ کے ساتھ ایک نشست کا انعقاد کیا گیاجسمیں خانم زہرانے کابینہ کو اپنی فعالیت کو بہتر بنانے پر زور دیتے ہوئے کہاکہ موجودہ دور میں ہم کو مزید قوت۔طاقت،خلوص،لگن اور ایک ہوکر کام کرنا ہوگا۔یہ ہمارا شریعئ فریضہ ہے کہ ہم نے جو ذمہ داری قبول کی ہے اورجوعہد اپنے امام زمانہ عج سے کیا ہے۔اسے بخوبی انجام دیں۔خانم زہرانے شعبہ خواتین میڈیا کی کارکردگی اور ان کے کام کو سہراتے ہو ئے انھیں مزید فعال پونے کی تاکید فرمائی۔خانم کا کہنا تھا کہ بے شک ابھی ہمارے پاس وسائل کی کمی ہےمگرجومخلص افراد ہوتے ان کے لیےوسا ئل کی کمی نہ ہی کوئی روکاٹ ثابت ہوتی ہے اور نا ہی انکو کبھی بھی ہدف کے حصول سے دور نہیں کرتی ہےلہذا ہم پروردگار عالم سے دعا کرتے ہیں کہ خدایا" تو ہمیشہ ہمیں راہ حق پر کامزن رکھنا اور راہ حق میں ہر آنے والی روکاوٹ سے ہمیں باخوبی طور پر عبور کرنے کی توفیق عطا فرمانا بے شک تو حق پر چلنے والوں کی مدد ضرور فرماتا ہے۔نشست کا اختتام دعائے سلامتی امام زمانہ کیا گیا۔
وحدت نیوز(ملتان) مجلس وحدت مسلمین پاکستان کے مرکزی سیکرٹری جنرل علامہ راجہ ناصرعباس جعفری کی اپیل پر ملک بھر کی طرح ملتان میں بھی گلگت بلتستان کی عوام کی حمایت اور عوامی ایکشن کمیٹی کے ساتھ اظہاریکجہتی کے لیے پریس کلب کے سامنے احتجاجی مظاہرہ کیا گیا۔ مظاہرے کی قیادت مجلس وحدت مسلمین ملتان کے سیکرٹری جنرل علامہ سید اقتدارحسین نقوی، ڈپٹی سیکرٹری جنرل محمد عباس صدیقی، سید دلاور عباس زیدی، مرزا وجاہت علی اور دیگر نے کی۔ مظاہرین نے بینرز اور پلے کارڈزاُٹھا رکھے تھے۔ مظاہرین سے خطاب کرتے ہوئے ایم ڈبلیو ایم ملتان کے سیکرٹری جنرل کا کہنا تھاکہ گلگت بلتستان کا کرپٹ وزیراعلی عوام کے غیض وغضب سے ڈرے اگر عوام کے حقوق نہ مانے گئے تو اس کی حکومت کا خاتمہ ہو جائے گا۔ اُنہوں نے مزید کہا کہ مجلس وحدت مسلمین عوامی ایکشن کمیٹی کے مطالبات کی مکمل حمایت کرتی ہے اور جب تک ان کے مطالبات تسلیم نہیں کیے جاتے ہم احتجاج کرتے رہیں گے۔
وحدت نیوز(اسلام آباد) مجلس وحدت مسلمین پاکستان کے مرکزی سیکرٹری سیاسیات سید ناصرعباس شیرازی ایڈووکیٹ نے گلگت بلتستان گندم سبسڈی ایشو اور گلگت بلتستان میں 3 دن سے جاری مکمل شٹرڈاوُن ہڑتال اور دھرنوں کی صورت حال پر مختلف قومی جماعتوں کے رہنماوُں سے ٹیلی فونک رابطہ کیا۔ جماعت اسلامی پاکستان کے رہنما لیاقت بلوچ، پاکستان تحریک انصاف کے رہنما اعجاز چودھری، پاکستان عوامی تحریک کے ناظم خرم نوازگنڈا پور اور ایم کیو ایم کے رہنما فاروق ستار سے گلگت بلتستان میں جاری عوامی احتجاج پر تفصیلی گفتگو کی۔ پاکستان کی قومی جماعتوں کے رہنماوُں نےناصر شیرازی سے گلگت بلتستان عوامی ایکشن کمیٹی کے مطالبات کی بھر پور حمایت کرتے ہوئے کہا کہ گلگت بلتستان کے عوام کی پرامن جدوجہد میں ہم ان کے ساتھ ہیں، ساتھ ہی یہ فیصلہ بھی کیا گیا کہ جمعہ کے روز ایک بھر پور پریس کانفرنس کی جائے گی جس میں قومی جماعتوں کے رہنما شریک ہو کر گلگت بلتستان کے عوام سے مکمل اظہار یکجہتی کریں گے۔
وحدت نیوز(کراچی)مجلس وحدت مسلمین پاکستان کراچی ڈویژن کے سیکریٹری سیاسیات علی حسین نقوی نے کہا ہے کہ پیپلز پارٹی کی گلگت بلتستان کی صوبائی حکومت اپنی عوام کے حقوق کی ترجمانی کرتے ہوئے گندم پر سبسڈی بحال اور کرپشن میں ملوث وزراء کو برطرف کرے۔ ان خیالات کا اظہار انہوں نے وحدت ہاؤس کراچی میں عوامی ایکشن کمیٹی کے رہنماآغا علی محمد سے گفتگوکرتے ہو ئے کیا۔ اس موقع پرآصف صفوی صداقت اشتر، الیاس خاکی ، علامہ مبشر حسن اور میثم عابدی سمیت دیگر رہنما بھی موود تھے۔ علی حسین نقوی کا کہنا تھا کہ عوامی احتجاج کے باعث گلگت بلتستان انتظامیہ بوکھلاہٹ کا شکار ہے اور اوچھے ہتھکنڈے استعمال کرنا چاہتی ہے، دھرنا، احتجاج اور ہڑتال جمہوری دور میں عوام کا بنیادی حق ہے جسے کوئی نہیں چھین سکتا، اگر پیپلز پارٹی نے گلگت بلتستان حکومت نے عوام کے پرامن احتجاج کو سبوتاژ کرنے کی کوشش کی تو مجلس وحدت مسلمین اپنے گلگت بلتستان کے بھائیوں کے حقوق کی آواز کو پورے پاکستان کی سڑکوں پر بلند کرے گی۔ انہوں نے کہا کہ گندم سبسڈی کے خاتمے پر چلنے والی عوامی تحریک کے خلاف طاقت کا استعمال حکومت کے تابوت میں آخری کیل ثابت ہوگا۔ انہوں نے کہا کہ عوامی حقوق پر کسی قسم کا سمجھوتہ نہیں کیا جائے گا۔
وحدت نیوز(بلتستان) گلگت بلتستان میں گندم سبسڈی تحریک اور دیگر عوامی مطالبات پر مشتمل چارٹر آف ڈیمانڈ پر تیسرے روز بھی عوامی ایکشن کمیٹی کی کال پر احتجاجی دھرنے جاری ہیں۔ بدھ کے روز صوبائی حکومت بالخصوص وزیراعلٰی گلگت بلتستان سید مہدی شاہ کی دعوت پر عوامی ایکشن کمیٹی کے نمائندہ وفد نے مذاکرات کیلئے سی ایم ہاوس کا دورہ کیا وفد میں مجلس وحدت مسلمین کے رہنما بھی شامل تھے اور دن بھر طویل مذاکرات جاری رہے۔ ذرائع کے مطابق مذاکرات کے دوران صوبائی حکومت نے بہت سے مطالبات منظور بھی کر لئے، تاہم عوامی ایکشن کمیٹی کے راہنماوں نے تمام مطالبات کی منظوری تک احتجاج جاری رکھنے کا فیصلہ کیا اور یوں مذاکرات نتیجہ خیز ثابت نہ ہوسکے۔ بعدازاں میڈیا نمائندوں سے گفتگو کرتے ہوئے عوامی ایکشن کمیٹی کے راہنماوں کا کہنا ہے کہ چارٹر آف ڈیمانڈ پر مکمل عمل درآمد تک احتجاجی دھرنے جاری رہینگے۔
دوسری جانب بلتستان بھر میں دھرنوں میں شدت آنے لگی ہے۔ آج صبح سے ہی تمام سڑکیں بند رہیں، تعلیمی ادارے، بینک، تجارتی مراکز اور عدالتیں مکمل طور پر بند ہیں۔ اس سلسلے میں یادگار شہداء اسکردو میں موجود دھرنے میں نواحی علاقوں سے ہزاروں افراد پر مشتمل قافلوں کی آمد شروع ہوگئی ہے۔ عوامی ایکشن کمیٹی کا کہنا ہے کہ تمام مطالبات کی منظوری تک دھرنا جاری رہے۔ واضح رہے کہ حالیہ دھرنا بلتستان کی تاریخ کا طویل ترین دھرنا ہے اور افراد کی شرکت غیر معمولی ہے۔
وحدت نیوز(نجف اشرف) مجلس وحدت مسلمین نجف اشرف کے سیکرٹری جنرل علامہ سید مہدی نجفی نے گلگت بلتستان میں جی بی حکومت کی جانب سے گندم پر دی جانے والی سبسڈی ختم کرنے کی شدید الفاظ میں مذمت کرتے ہوئے کہا کہ وزیراعلی گلگت بلتستان مہدی شاہ عوام کو دیے جانے والی گندم کی بیس لاکھ بوریوں میں سے پندرہ لاکھ بوریاں گندم خود کھاگیا ہے، گلگت بلتستان کے عوام جیسے صاف شفاف لوگوں کے مزاج میں کرپشن ڈالنے والے ناسور وزیراعلی اور موجودہ وفاقی حکومت سے مطالبہ ہے کہ عوامی ایکشن کمیٹی کے مطالبات آئینی اور قانونی ہیں، اور یہ عوام کا حق ہے جس کو حکمرانوں نے غصب کیا ہے کئی برسوں سے وہاں کی عوام کو دوسرے آئینی اور شہری حقوق سے محروم رکھا گیا ہے، علامہ سید مہدی نجفی نے کہا کہ وزیراعلی گلگت بلتستان کو واضح کردینا چاہتا ہوں کہ گندم کی سبسڈی کا خاتمہ گلگت بلتستان کے غیور عوام کے حقوق پر ڈاکہ ڈالنے کے مترادف ہے، حکمرانوں کی غندہ گردی کے خاتمے سے ہی عوام کی محرومی ختم ہوسکتی ہے، اُنہوں نے وزیراعلی مہدی شاہ کو مخاطب کرتے ہوئے کہا کہ دن بدن صوبے بھر میں نظام تعلیم روز بروز گرتا جارہا ہے، کرپشن بڑھتی جا رہی ہے جس کی وجہ سے عوام کے بنیادی حقوق کی پامالی ہو رہی ہے۔ اگر عوامی ایکشن کمیٹی کے مطالبان نہ مانے گئے تو مہدی شاہ عوام کے غیظ وغضب سے نہیں بچ سکیں گے۔
وحدت نیوز(ملتان) مجلس وحدت مسلمین ملتان کے سیکرٹری جنرل علامہ سید اقتدارحسین نقوی نے کہا ہے کہ گلگت بلتستان کے عوام کے ساتھ اظہاریکجہتی کرتے ہوئے ایم ڈبلیو ایم کے سیکرٹری جنرل علامہ راجہ ناصرعباس جعفری کے حکم پر پورے پاکستان کی طرح ملتان میں بھی پریس کلب کے سامنے احتجاجی مظاہرہ کیا جائے گا۔ ملتان سے جاری پریس ریلیز کے مطابق ایم ڈبلیوایم کے سیکرٹری جنرل علامہ سید اقتدارحسین نقوی کا کہنا تھا کہ گلگت بلتستان کی عوام کو آئینی اور قانونی حقوق سے محروم رکھنا بغاوت پر مجبورکرنے کے مترادف ہے۔اُنہوں نے کہا کہ مجلس وحدت مسلمین پورے پاکستان میں گلگت بلتستان کی عوام کے ساتھ اظہاریکجہتی کررہی ہے ۔ اگر مہدی شاہ نے اپنی ہٹ دھرمی کو نہ چھوڑا توبہت جلد بے نقاب ہو جائے گا۔
وحدت نیوز(راولپنڈی ) سانحہ عاشورہ راجہ بازار کے کیس میں بلاجواز گرفتار مذید11عزاداروں کی درخواست ضمانت منظور کر لی گئی ہے ، کل 77 میں سےاب تک 76 عزاداروں کی ضمانت منظور ہو چکی ہے ، فقط ایک عزادار ندیم شاہ کی ضمانت باقی ہے، جو جلد عمل میں آجائے گی، وحدت نیوزسے گفتگوکرتے ہو ئے وحدت لائرز فورم کے انچارج سیدین زیدی ایڈووکیٹ نے کہا ہے کہ خانوادہ اسیران کی استقامت اور مجلس وحدت مسلمین کے ذیلی شعبےوحدت لائرز فورم کی شب و روز محنت کی بدولت آج ایک اور عظیم کامیابی نصیب ہوئی، سانحہ عاشورہ راجہ بازار کیس میں بلاجواز گرفتار عزاداروں کی رہائی تائید خدا وندی اور نصرت امام زمان عج کے بغیر ممکن نہیں تھی،ہماری اس جدو جہد میں وحدت لائرز فورم اور اسیران کی رہائی کمیٹی کے رکن اصغر مبارک ایڈووکیٹ کے بھائی مظہر مبارک کا خون بھی شامل ہے جو اصغر مبارک پر ہونے والے حملے میں جام شہادت نوش کر گئے تھے،الحمد اللہ اب تک 77میں سے 76بے گناہ عزادار ضمانت پر رہاہو چکے ہیں باقی رہ جانے والے ایک عزادار ندیم شاہ کی ضمانت بھی جلد منظور کر لی جائے گی ، سیدین زیدی ایڈووکیٹ نے اس پر مسرت موقع پر وحدت لائرز فورم کی ٹیم اور خانوادہ اسیران سمیت تمام ملت جعفریہ کو مبارک باد پیش کی ہے کہ خدا نے ہمیں اس عظیم امتحان میں سرخرو کیا۔
