وحدت نیوز (کوئٹہ) مجلس وحدت مسلمین بلوچستان کے سربراہ علامہ مقصود علی ڈومکی نے صوبائی مشیر تعلیم سردار رضا محمد بڑیچ پر قاتلانہ حملے کی شدید الفاظ میں مذمت کرتے ہوئے کہا ہے کہ بلوچستان میں امن وامان کی صورتحال کو بہتر بنانے کیلئے سنجیدہ اقدامات کی ضرورت ہے۔پورا ملک دھشت گردی کی آگ میں جل رہا ہے۔ جبکہ دھشت گرد ملک کے گلی کوچوں میں دندناتے پھر رہے ہیں۔ انہوں نے مطالبہ کیا کہ مولانا فضل الرحمان پر قاتلانہ حملے میں ملوث ملزمان کو بھی بے نقاب کیا جائے۔ جبکہ j.u.i.سندھ کے رہنماء ڈاکٹر خالد محمود سومروکے قتل کے پیچھے کون ہے؟ اسے بے نقاب کرتے ہوئے مجرموں کو کیفر کردار تک پہنچایا جائے ۔

انہوں نے حکومت اور تحریک انصاف کے درمیان مذاکرات کی بحالی کو خوش آئند قرار دیتے ہوئے توقع ظاہر کی کہ ملک میں شفاف انتخابات کے سلسلے میں قانون سازی کے ساتھ ساتھ سابقہ انتخابات میں دھاندلی کے ذمہ داروں کو قرارواقعی سزا دی جائے گی۔

دریں اثناء علامہ مقصود علی ڈومکی نے فرانسیسی پارلیمنٹ کی جانب سے فلسطین کی آزاد ریاست کو تسلیم کرنے کا خیر مقدم کرتے ہوئے کہا ہے کہ اقوام عالم کو مظلوم فلسطینی عوام کی حمایت کرتے ہوئے غاصب اسرائیل کے مظالم کو روکنا ہوگا۔ انہوں نے کہا کہ اسرائیل اپنے ظلم وستم کے باعث اقوام عالم میں تنہا ہوچکا ہے ، اور وہ جلداپنی بداعمالیوں کے سبب کیفر کردار تک پہنچے گا ۔ فلسطین کے عوام اور امت مسلمہ اپنی جدوجہد جاری رکھیں ہر گذرتے دن کے ساتھ بیت المقدس، قبلہ اول اور فلسطین کی آزادی کی منزل قریب آرہی ہے۔

وحدت نیوز ( گلگت) وزیر اطلاعات پرویز رشید کے گلگت بلتستان کے متعلق بیان پر وفاقی حکومت کا نوٹس نہ لینا افسوسناک امر ہے اور ایسا لگ رہا ہے کہ یہی موقف مسلم لیگ ن کا بھی ہے۔ اگر یہی باتیں گلگت بلتستان کے قوم پرست کریں تو ان کو انٹی سٹیٹ قرار دیا جاتا ہے اور ان کے خلاف مقدمات درج کئے جاتے ہیں۔ ایک طرف ہندوستان مقبوضہ کشمیر کو اپنا اٹوٹ انگ قرار دے رہا ہے اور دوسری طرف پرویز رشید گلگت بلتستان کو متنازعہ قرار دے رہے ہیں ۔

ان خیالات کا اظہار مجلس وحدت مسلمین گلگت بلتستان کےسیکریٹری اطلاعات سعید الحسین نے اپنے ایک بیان میں کیا ہے۔ انہوں نے کہا کہ وفاقی وزیر اطلاعات پرویز رشید نے گلگت بلتستان کو ڈوگرہ راج سے بزور بازو آزاد کروانے والے ہیروز کی بھی توہین کی ہے جنہوں نے 28 ہزار مربع میل کا علاقہ آزاد کرواسلام دوستی کی بناء پر پاکستان کے ساتھ الحاق کیا۔ وزیر اعظم سمیت کسی حکومتی ذمہ دار شخص نے پرویز رشید کے بیان کا کوئی نوٹس نہ لینا انتہائی افسوس کا مقام ہے۔ انہوں نے گلگت بلتستان کے عوام سے اپیل کی کہ وہ وفاقی حکومت کے خلاف ہر سطح پر بھرپور احتجاج اس وقت تک ریکارڈ کروائیں جب تک کہ وفاقی وزیر اطلاعات میڈیا پر آکر اپنے بیان کو واپس نہ لیں اور گلگت بلتستان کے عوام سے معافی نہ مانگ لیں۔

وحدت نیوز( اسلام آباد) مجلس وحدت مسلمین قم کے سیکر ٹری جنرل علامہ ڈاکٹر شیخ غلام محمد فخرالدین نے کہا کہ مساجد اسلام کامرکز ہیں خیرالعمل فاﺅنڈیشن کامساجد کاپروجیکٹ قابل تحسین ہے ہمیں ہر شعبہ میں کام کرنا چاہیے تما م عبادات کے ساتھ ساتھ ہمیں خدمت خلق کی عبادت کو بھی سر انجام دینا چاہیے جو ذمہ داری ملے اسے ہر حال میں پورا کرنا چاہیے کو تاہی نہیں برتنی چاہیے ۔اسلام دین تعمیر ہے ،دین انسانیت ہے ، دین فلاح و بہبود ہے اور اسلام میں خدمت خلق پر بہت زور دیا گیا ہے ہماری قوم میں احساسا تی ،جذباتی افراد ہیں انکی قوتوں کو صیح سمت میں استعمال کر کے ہمیں انکی فکری تربیت کرنی چاہیے۔ ان خیالات کااظہار انہوں نے گزشتہ روز خیرالعمل فاﺅنڈیشن کے مرکزی آفس میں ایک خصوصی نشست میں اسلام میں فلاح وبہبود کے کاموں کی اہمیت کے موضوع پر گفتگو کرتے ہوئے کیا ۔انہوں نے کہا اللہ تعالی کے نزدیک خدمت خلق سب سے بڑا اہم فریضہ ہے اس کو سرانجام دینے کے لیئے ہم سب کو مل کر کام کرنا ہو گا انہوں نے خیرالعمل فاﺅنڈیشن کی ٹیم اور پاکستان بھر میں جاری فلاحی منصوبوں کو سراہتے ہوئے کہا کہ ایک فقیر کفر کے قریب ہوتا ہے جو اپنی ضرورت کو پورا کرنے کے لیئے کوئی بھی اقدام اٹھانے پر مجبور ہو جاتا ہے ہمیں معا شرے میں ایسے افراد کی اقتصادی صورتحال کو بہتر بنانے کے لیئے اقدامات کرنے ہونگے تاکہ وہ اپنے پاﺅں پر کھڑے ہو کر معاشرے کے کار آمد شہری بن سکیں لبنان میں حزب اللہ نے سب سے پہلے لوگوں کی اقتصادی حالت کو بہتر بنا نے پر کام کیا پھر آگے بڑھے ۔

نشست سے گفتگو کرتے ہوئے مجلس وحدت مسلمین کے مرکزی سیکر ٹری تبلیغات علامہ اعجاز حسین بہشتی نے کہا کہ روایات میں ملتا ہے جو شخص چاہتا ہے کہ اسکی قبر وسیع ہو وہ دنیا میں مسجد تعمیر کروائے جو شخص چاہتا ہے کہ قبر میں کیڑے نہ کاٹیں نہ کھائیں وہ مسجد کی صفائی کرے جو شخص چاہتا ہے کہ قبر میں اسکا جسم تازہ رہے وہ مسجد میں بیٹھ کر عبادت کرے جو شخص چاہتا ہے کہ قبر روشن ہو وہ مسجد میں روشنی کاانتظام کرے انہوں نے خیرالعمل فاﺅنڈیشن کی ٹیم کی کاوشوں اور فلاحی منصوبوں کو سراہا۔

نشست میں خیرالعمل فاﺅنڈیشن کے چیئرمین نثارعلی فیضی سمیت دیگر عہدیداران نے شرکت کی اس موقع پر چیئر مین خیرالعمل فاﺅنڈیشن نثار علی فیضی نے مجلس وحدت مسلمین قم کے سیکر ٹری جنرل علامہ ڈاکٹر شیخ غلام محمد فخرالدین کا خیرالعمل فاﺅنڈیشن کے مرکزی آفس آمد پر شکریہ ادا کیا اور خیرالعمل فاﺅنڈیشن کے فلاحی منصوبوں بارے میں تفصیلات بتاتے ہوئے کہا کہ اسوقت خیرالعمل فاﺅنڈیشن ملک بھر میں فلاحی منصوبوں پر کام کر رہی ہے جن میں مساجد،امام بارگاہیں،واٹر پروجیکٹ، ہاﺅسنگ پروجیکٹ، ایتام کی کفالت کے منصوبے شامل ہیں۔

وحدت نیوز (ملتان) مجلس وحدت مسلمین ملتان (گلگشت یونٹ)کے زیراہتمام معروف خطیب علامہ ناصرعباس شہید کی پہلی برسی کی مناسبت سے ملتان پریس کلب کے سامنے شمعیں روشن کی گئیں، اس موقع پر مجلس وحدت مسلمین پنجاب کے ڈپٹی سیکرٹری جنرل علامہ اقتدار حسین نقوی، قائمقام سیکرٹری جنرل ملتان محمدعباس صدیقی،میڈیاکوارڈینیٹرثقلین نقوی، انجینئرمہرسخاوت، مرزاوجاہت علی، سمیت مجلس وحدت مسلمین کے دیگر رہنماؤں اور کارکنوں کی ایک بڑی تعداد موجودتھی۔ اس موقع پر کارکنوں سے خطاب کرتے ہوئے محمد عباس صدیقی نے کہا کہ ملک میں قانون نام کی کوئی چیز نہیں ہے مظلوم اور مقتولوں کے ورثاء کو انصاف نہیں ملتا، حکمرانوں کی جانب سے انصاف ملنے کے بڑے دعوے کیے جاتے ہیں لیکن آج تک کسی ظالم اور قاتل کو پکڑ کرسزا نہیں دی گئی۔

مجلس وحدت مسلمین پنجاب کے ڈپٹی سیکرٹری جنرل علامہ اقتدار نقوی نے کہا کہ علامہ ناصر عباس کو شہید ہوئے ایک سال گزرگیا ہے لیکن ابھی تک اُس کے قاتل گرفتار نہیں ہوئے جس سے حکومت کی نااہلی واضح ہے۔ اُنہوں نے مزید کہا کہ علامہ ناصر عباس کی شہادت پر حکومت اور حکمرانوں کی جانب سے انصاف دلانے کے اعلانات کیے گئے تھے جو کہ ابھی پورے نہیں ہوئے یہ حکومت ہمیں کیا انصاف دے گی جو نابیناؤں کو سرعام پیٹتی ہے ۔ اس موقع پر موجودرہنماؤں اور کارکنوں نے علامہ ناصر عباس کے قاتلوں کو بے نقاب کیاجائے اور گرفتار کرکے سخت سے سخت سزادی جائے۔ اگر قاتلوں کے خلاف کاروائی نہ کی گئی تو ملک میں انارکی جنم لے گی جس کی آگ ان حکمرانون کو جلا کرراکھ کردے گی۔