وحدت نیوز(ملتان) مجلس وحدت مسلمین جنوبی پنجاب کے سیکرٹری جنرل علامہ اقتدار حسین نقوی نے کہا ہے کہ حکومت پانامہ لیکس کے بعد ڈان لیکس میں بُری طرح پھنس چکی ہے، حکومتی وزراء کی جانب سے سیکیورٹی اداروں کے خلاف بیانات حکومت کی بوکھلاہٹ کا نتیجہ ہے، حکومت ایک بار پھر ڈان لیکس معاملے میں اصل کردار کو بچانے کے لیے کوشاں ہے، رائو تحسین کی قربانی دے کر اصل مجرم کو تحفظ دیا گیا ہے، ان خیالات کا اظہار اُنہوں نے ملتان میں صوبائی کابینہ کے اجلاس سے خطاب کرتے ہوئے کیا۔ اس موقع پر ڈپٹی سیکرٹری جنرل محمد عباس صدیقی، غلام اصغر تقی، صوبائی سیکرٹری سیاسیات مہر سخاوت علی، محمد علی زیدی اور ثقلین نقوی موجود تھے۔ علامہ اقتدار نقوی نے مزید کہا کہ سیکیورٹی اداروں کے خلاف بیانات اور محاذ عوام کسی صورت قبول نہیں کرے گی، بھارتی حکومت کی جانب سے پاکستانی طلباء کے ساتھ ناروا سلوک کے بعد حکومتی موقف حیران کن ہے، کشمیر میں طلباء اور عوام پر ڈھائے جانے والے مظالم پر حکومتی خاموشی، بھارتی ایجنٹ جنڈال کی پُراسرار ملاقات قومی سلامتی کے لیے نقصان دہ ہے، حکومت پانامہ لیکس میں جے آئی ٹی کے پیچھے چھپنا چاہتی ہے لیکن عوام اسے بے نقاب کرے گی۔ حکومت جعلی تختیوں کی نقاب کشائی کر کے عوام کو دھوکے میں نہیں ڈال سکتے، اگر وزیراعظم پاکستان میں اخلاقی جرات ہوتی تو کب کا استعفی دے چکے ہوتے۔

وحدت نیوز(گلگت) مجلس وحدت مسلمین صوبہ گلگت بلتستان کے سیکریٹری جنرل علامہ آغا علی رضوی نے صوبائی سیکریٹریٹ سے جاری ایک بیان میں کہا ہے کہ پیپلز پارٹی اور نون لیگ خطے پر حکمرانی کی باریاں لینے پر تلے ہوئے ہیںاور چاہتے ہیں کہ خطے کے عوام گزشتہ ستر سالوں کی طرح اب بھی انہی دو جماعتوں کی چنگل میں کھلونا بنے رہیں۔ گلگت  بلتستان عوام اب ان مفادپرست جماعتوں کی حقیقت سے آگاہ ہوچکے ہیںاور لمحہ بھر کیلئے بھی ان نا اہل ، کرپٹ اور خطے کو لوٹنے والوں کو اپنے اوپر مسلط ہوتے نہیں دیکھ سکتے۔عوامی خدمت، وعدوں پر عملدرآمد اور عوام کے مسائل کو حل کرنے کیلئے ہو توسیاست بھی عین عبادت ہے، لیکن گلگت بلتستان کا بچہ بچہ جان چکا ہے کہ سیاست کے نام پر کس طرح سے عوام کا استحصال کیا جاتا رہا، کس طرح بھٹو اور شہید بینظیر بھٹو کے نام پر عوام سے ہمدردی لیکر نا اہل ، بے ضمیر اور کرپٹ لوگوں کو حکمرانی کیلئے پیش کیا جاتا رہا۔کئی سال تک باریاں لے لیکر عوام پر حکمرانی کرنیوالوں کوانکی کرپشن ، اقرباپروری اور نا عاقبت اندیشن فیصلہ سازی کی پاداش میںعوام نے گزشتہ انتخابات میں بری طرح مسترد کرکے ثابت کیا تھا کہ اب ان کو مزید آزمانے کی حماقت نہیں کرینگے، لیکن اس وقت نون لیگ کوعوام دشمن پالیسیوں کی وجہ سے عوام میں رسوا ہوتے دیکھ کر شاید یہ عناصر اگلی الیکشن میں پھر سے عوام کو بیوقوف بنا کر پیش کرنے کی کوشش کر رہے ہیں، لیکن یہ انکی بھول ہے ۔

انہوں نے مزید کہاکہ عوام کسی صورت انکی احمقانہ کرتوتوں کو نہیں بھول سکتےکیونکہ سب جانتے ہیں کہ محکمہ تعلیم کو سیاسی اکھاڑہ بنا نے والے ،کرپشن کی گنگا میں غوطہ زن ہونیوالے، گلگت  بلتستان کواندھیر نگری بنانے والے ، محکمہ تعمیرات، محکمہ صحت اور دیگر محکموں کو اپاہچ کرنیوالے،شناختی کارڈ چیک کرکے پر امن لوگوں کو شہید کرنیوالے دہشت گردوں کوتحفظ فراہم کرنیوالے، انکو جیلوں سے بھگانے والے نا اہل حکمران کوئی اور نہیں بلکہ سابق حکومت اور ان کے کرتا دھرتا ہی رہے ہیں اور انہی کے راستے پر موجودہ حکومت بھی پارٹی مفاد کیلئے عوامی استحصال ،جھوٹے وعدے، ترقیاتی منصوبوں پر عملدرآمد میں ناکامی، کرپشن و اقربا پروری،عوامی زمینوں پر ناجائز قبضے ، اور ان کارتوتوں کے ذریعے عوام کو الو بنانے میں بازی لے جاچکے ہیں۔

آخر میں ان کہنا تھا کہ مجلس وحدت مسلمین عوامی خدمت اور عبادت سمجھ کر میدان سیاست میں موجود ہیں اور عوام کے ہر مسئلے پر ہر اول دستہ بن کر ان حکمرانوں کی آنکھوں میں کانٹا بن کر چبھ رہی ہے ۔ اور ہم خطے کے آئینی حقوق، اقتصادی راہداری میں جائز حق، سکردوروڈ کی تعمیر، بلتستان یونیورسٹی کے قیام، محکمہ صحت، تعلیم اور دیگر محکموں میں شفاف تقررریوں اور عوامی ضروریات کے مطابق ان میں انتظامات اور ہر جائز عوامی حق میں انکی آواز بنتے رہے ہیں اور اسی جذبہ خدمت کے تحت ہر دور میں اپنا مشن جاری رکھ رہے ہیں۔ اور ہمیشہ کی طرح عوام کو یہ باور کراتے رہے ہیں کہ ان باریاں لینے والی جماعتوں نے ستر سالوں سے عوام کو بے وقوف ثابت کرنے کیلئے کوئی کسر نہیں اٹھا رکھی، اور آئندہ بھی انکو باریاں لیکر حکمرانی کیلئے موقع دینے کی حماقت کرینگے توخطے کا حال اس سے برا بھی تو ہوسکتا ہے لیکن اچھائی کی توقع کرنا نادانی اور پشیمانی کے علاوہ کچھ نہیں دے سکتا۔
          

وحدت نیوز(کوئٹہ) مجلس وحدت مسلمین کوئٹہ ڈویژن کے میڈیا سیل سے جاری شدہ بیان میں گزشتہ روز فاشسٹ پارٹی کی جانب سے مجلس وحدت مسلمین پر لگائے جانے والے الزام کو مسترد کرتے ہوئے کہا گیا ہے کہ ایک نسل پرست فاشسٹ پارٹی کے غیر ذمہ دار کونسلر نے ایک رکشہ ڈرائیور کی توہین اور گالم گلوچ کرتے ہوئے اس حملہ پر کر دیا اور رکشہ کی چابی زبردستی اپنے قبضے میں لیکر رکشہ کو نقصان پہنچایا،جبکہ رکشہ ڈرائیور کو زخمی کر دیا ۔جس پر حلقہ نمبر14کے نسل پرست کونسلراور رکشہ ڈرائیور کے درمیان معمولی جھگڑا ہوا ،چاقو ئوں کا جھوٹا الزام لگا کر فاشسٹ کونسلر نے علاقے میں اپنے آپ کو بد نام کردیا تا ہم اس دوران معمولی جھگڑے کو حل کرنے کیلئے کونسلر کربلائی رجب علی اور کونسلر سید مہدی نے رکشہ ڈرائیور کو فاشسٹ کونسلر کیخلاف ایف آئی آر کرانے سے روکا اور شر پسند پارٹی کے کونسلر کے آفس گئے ،ہزارگی اور قبائل روایات کے مطابق جب کوئی کسی کے گھر پر جاتا ہے تو مسئلہ وہی حل ہوجاتا ہے،لیکن شر پسند کونسلر یقین دہانی کے باوجود ہزارگی روایات کو پیروں تلے روندا اور رکشہ ڈرائیور کے خلاف جھوٹی ایف آر درج کرائی اور بعد میں اسے اخباری بیان کے ذریعے اسے دو پارٹیوں کا جھگڑا بناکر ہزارہ قوم میں فساد پھیلانے اور قوم کے جوانوں کو آپس میں دست و گریباں کرنے کی مذموم سازش کی جا رہی ہے۔ان اقدامات سے فاشسٹ ٹولہ کا اصل چہرہ قوم کے سامنے مزید بے نقاب ہوگا،شر پسند پارٹی کے پاس نفر ت کی سیاست اور ہزارہ قوم کو آپس میں دست و گریباں کرنے کے علاوہ پارٹی کو بچانے کا اور کوئی راستہ نہیں بچا۔فاشسٹ پارٹی اپنے ان پست اقدامات کے ذریعے ہزارہ قوم کو دھوکہ نہیں دے سکتی۔ہزارہ قوم اپنے اتحاد و اتفاق کے ذریعے اس شر پسند فاشسٹ ٹولہ کو پہلے ہی کی طرح ایک بار پھر مسترد کریگی۔  

وحدت نیوز(گلگت) گلگت بلتستان میں پیپلز پارٹی مختلف مسالک کے مفاد پرست افراد کا جوائنٹ وینچر ہے۔اس جماعت میں پارٹی عہدے مسالک کی بنیاد پر تقسیم ہوتے ہیں ،الیکشن کے موقع پر یہ مفاد پرست ٹولہ اپنے مفاد کیلئے عوام کو مذہب کی بنیاد پر تقسیم کرکے فرقہ واریت کوہوا دیتے ہیں۔

مجلس وحدت مسلمین گلگت بلتستان کے ترجمان محمد الیاس صدیقی نے کہا ہے کہ پیپلز پارٹی مذہبی سیاسی جماعتوں کو اپنا مزارع سمجھنا چھوڑ دے اور اس غلط فہمی میںنہ رہے کہ مذہبی جماعتوں کا کام فقط اس استحصالی جماعتوں کو سپورٹ کرنا ہے۔پیپلز پارٹی اور مسلم لیگ نواز کے کرپشن کو روکنے کیلئے ہی مذہبی جماعتیں میدان عمل میں ہیںاور ہر سطح پر ان کا مقابلہ جاری رہے گا۔

انہوںنے پیپلز پارٹی کے رہنمائوں کے پریس کانفرنس میں ہرزہ سرائی کے رد عمل میں کہا کہ پیپلز پارٹی کے صوبائی صدر الیکشن ہارنے کے بعد ذہنی توازن کھوبیٹھے ہیں اگر انہیں نسیان کی بیماری ہے تو ہم انہیں یاد کروادیتے ہیں کہ اگر حلقہ 1 میں تحریک اسلامی ان کا ساتھ نہ دیتی تو موصوف کی ضمانت بھی ضبط ہوجاتی۔انہوں نے کہا کہ پیپلز پارٹی کا اسمبلی میںاگر ایک ممبر بھی ہے تو وہ بھی ایک مذہبی جماعت کے مرہون منت ہے۔

 انہوں نے کہا کہ پیپلز پارٹی کی فرینڈلی اپوزیشن کی وجہ سے پاکستان میں مسلم لیگ نواز کی حکومت قائم ہے جب بھی حکومت کو ٹف ٹائم دیا جاتا ہے تو جمہوریت کو خطرے کا جواز تلاش کرکے پیپلز پارٹی نواز لیگ کے ساتھ کھڑی ہوجاتی ہے۔پیپلز پارٹی کے رہنمائوں کی جھوٹی تقاریر محض عوام کو بیوقوف بنانے کا حربہ ہے اور تاریخ گواہ ہے کہ پیپلز پارٹی ہی دہشت گرد ٹولہ طالبان کی خالق جماعت ہے اور آج تک گلگت بلتستان سمیت پاکستان بھر میں طالبان کے ہاتھوں ہزاروں بیگناہ عوام شہید ہوچکے ہیں اور طالبان کے ہاتھوں قتل ہونے والے ہزاروں پاکستان عوام کے کشت و خون کی ذمہ داری پیپلز پارٹی ہی پر عائد ہوتی ہے۔

وحدت نیوز(اسلام آباد) مجلس وحدت مسلمین پاکستان کے مرکزی سیکرٹری اطلاعات سید علی احمر زیدی نے صحافت کے عالمی دن کے موقعہ پر میڈیا سیل سے جاری اپنے بیان میں کہا ہے کہ مہذب معاشروں میں میڈیا کی آزادی کو مسلمہ حیثیت حاصل ہے۔صحافت ریاست کا چوتھا ستون ہے ۔اظہار رائے کی آزادی کا آئینی حق ہر ایک کو حاصل ہے۔ مگر ہمارے صحافیوں کو مختلف طریقوں سے دبایا جا رہا ہے۔دنیا میں صحافتی آزادی کے لیے جدوجہد کرنے والی تنظیم’’رپورٹرز ود آؤٹ بارڈرز ‘‘ کی گزشتہ سال کی رپورٹ کے مطابق پاکستان میڈیا کی آزادی کے اعتبار سے 180 میں سے 159 ویں نمبر تھاجو کہ تشویش ناک ہے ۔الیکٹرانک جرائم کے انسداد کے بل 2016 میں بھی اظہار رائے کی آزادی کو سلب کرنے کی کوشش کی گئی ۔پاکستان میں صحافتی ذمہ داریاں ادا کرنے کے دوران دہشت گردی کی بھینٹ چڑھنے والے میڈیا پرسنزکو اس موقعہ پر سلام پیش کرتے ہیں۔ حکومت کو چاہیے کہ وہ میڈیا ورکرز کو ذمہ داریوں کی بے خطر ادائیگی کے لیے سازگار اور محفوظ ماحول فراہم کرے۔انہوں نے کہا مختلف اداروں میں صحافی تنخواہوں کی طویل عدم ادائیگی اور ملازمتوں کے عدم تحفظ سمیت مختلف مشکلات کا شکار ہیں۔ان کے معاشی مشکلات کا ازالہ ہونا چاہیے ۔اس سلسلے میں حکومتی سطح پر اقدامات کی ضرورت ہے۔صحافیوں کے حقوق کے تحفظ کے لیے تمام صحافتی تنظیموں کو بھی مشترکہ جدوجہد کرنا ہو گی۔انہوں نے کہا ملک کی ترقی میں صحافتی شخصیات کے مثبت کردار کو نمایاں حیثیت حاصل ہے۔انہوں نے بول ٹی وی کے لائسنس کی منسوخی پر ردعمل ظاہر کرتے ہوئے اسے آزادی صحافت کے تقاضوں کے برعکس قرار دیا ۔

وحدت نیوز(حیدرآباد) امام بارگاہ امامیہ ٹرسٹ یونٹ نمبر 9حیدرآباد میں جشن ولادت باسعادت جناب زینب (س) کے سلسلے میں مجلسِ وحدت مسلمین شعبہ خواتین حیدرآباد کی جانب سے ایک پروگرام جشن ثانی زہرا( س) کا انعقاد کیا گیا۔ جس میں حیدرآباد کے مختلف مدارس اور تنظمیں جن میں مدرسہ معصومہ ،مدرسہ اصغریہ علم وعمل تحریک،مدرسہ فاطمیہ،مدرسہ معرفت اسلامی،امامیہ آرگنائزیشن ،مکتب زینبیہ،محفل حسینی،پیام اسلامی فاؤنڈیشن،پیام ولایت اسکاوٹ،عزم زینب،عقیلہ بنی ہاشم اکیڈمی کی خواہران اور بچیوں نے بھر پور طور پہ شمولیت اور شرکت کی،پروگرام میں نظامت (میزبانی) کے فرائض خواہر کنول بتول اور خواہر شگفتہ علی نے با احسن و خوبی انجام دیئے پروگرام کا باقاعدہ آغاز مدرسہ جمران حیدرآباد کی طالبات نےتلاوت قرآن پاک سے کیا۔

بعداز رقیہ جعفر نے حمد اور نعت رسول مقبول( ص) پیش کی۔بعد حمدو نعت خواہر فاطمہ نے جناب زینب کے حضور ہدیہ منقبت پیش کیا۔ منقبت کے بعد پابندی وقت کا خیال رکھنے والی خواہران کی حوصلہ افزائی  کے لیے بذریعہ قرعہ اندازی کیش انعامات اور گفٹس تقسیم کیے گئے۔اس کے بعد ملٹی میڈیا ویڈیو کلپ دکھائی  گئی اور سوال و جواب کے بعد انعامات دئیےگئے۔قائد وحدت آغا راجہ ناصر عباس اور آغا حسین شاہ موسوی کے ساتھ پینل ڈسکشن کے سیشن کا آغاز ہوا جسمیں بعنوان "جناب زہرہ (س)اور جناب زینب ( س) کی حیات کے علمی اور عملی پہلو سے دور حاضر کی خواتین کے لیے سبق " کے حوالے سے خواہر عظمٰی تقوی نے سوالات کیےجنکے بہترین انداز میں دونوں محترم علماء نے جوابات ارشاد فرمائے۔پینل کی گفتگو سے مجمع میں موجود خواتین سے عنوان کی مناسبت سے سوالات کئے گئے اور انھیں انعامات دئیے گئے۔

جس کےبعد خواہر سیمی نقوی ممبر سندھ ورکنگ کمیٹی شعبہ خواتین، مسؤل روابط و شعبہ اسکاؤٹ وحدت  نے " بنتِ حوا" کے عنوان سے نظم پیش کی۔جناب سیدہ(س)اور بیبی زینب (س)امام حسین ( ع ) کے ہم نام بچے بچیوں میں تحائف پیش کیے گئے ۔اس کے بعد بچیوں نے ٹیبلو" ظلمت سے نور کی طرف" پیش کیا۔پروگرام میں خواہر بنین مرکزی معاون خواہر زہرہ نقوی سیکرٹری جنرل مجلس وحدت مسلمین شعبہ خواتین پاکستان اور کراچی ڈسٹرکٹ کی خواہران خواہر ندیم زہرہ، خواہر نایاب اور خواہر بینش نے خصوصی شرکت کی۔ پروگرام میں مدارس کے جانب سے خانہ کعبہ کا ماڈل اور جناب سیدہ (س) کے جہیز کے مناظر پیش کیے گئے ۔اس کے علاوہ حجاب کارنر بھی لگایا گیا۔آخر میں خواہر عظمی تقوی( جی ایس حیدرآباد) نے تمام منتظمین مدارس اور تنظیموں کو کلمات تشکر پیش کرتے ہوئے ان کی توفیقات میں اضافے اور قبولیت کے لیے دعا کی،پروگرام کا باقائدہ اختیتام دعائے سلامتی امامِ زماں(ع) اور ملک و ملت کی کامیابی و کامرانی کی دعا سے ہوا۔