وحدت نیوز(سکردو)ممبر گلگت بلتستان کونسل و صوبائی رہنما مجلس وحدت مسلمین شیخ احمد علی نوری اور ضلعی صدر ایم ڈبلیو ایم شیخ فدا ذیشان نے ایم ڈبلیو ایم وفد کے ہمراہ برگے نالہ اور ڑگیول میں سیلاب سے متاثرہ علاقوں کا دوہ کیا،اس موقع پر انہوں نے سیلاب متاثرین کی ہر ممکن تعاون کی یقین دھانی کی،ممبر جی بی کونسل شیخ احمد علی نوری نے کہا کہ ممبران کونسل کی جانب سے سیلاب متاثرین کی فوری بحالی کے لئے جی بی کونسل کنسولیڈیٹڈ اکاؤنٹ سے فوری فنڈز جاری کرنے کے لیے وزیر اعظم پاکستان کو خط لکھا ہے امید ہے جلد اس پر عمل ہو تاکہ فوری طور پر متاثرین سیلاب کی بحالی ممکن ہو۔ ایم ڈبلیو ایم وفد میں شیخ جان حیدری،شیخ کاظم ,آغا ھادی اور دیگر رہنما ہمراہ تھے۔