وحدت نیوز(کراچی)وحدت یوتھ پاکستان کراچی ڈویژن کی جانب سے ڈویژنل یوتھ کونسل اجلاس بعنوان یارانِ امام کا انعقاد ڈویژنل صدر برادر حسن رضا کی زیر صدارت 22 جون کو صوبائی سیکرٹریٹ، سولجر بازار میں کیا گیا۔

 اجلاس میں نگران کونسل کے رکن مولانا باقر عباس زیدی، مرکزی نائب صدر برادر راجہ مصطفیٰ حیدر، ایم ڈبلیو ایم کراچی ڈویژن کے صدر علامہ صادق جعفری، عزاداری ونگ کراچی ڈویژن کے صدر رضی حیدر رضوی، ڈویژنل کابینہ سمیت ٹاؤن صدور اور نمائندگان نے شرکت کی۔

اجلاس میں ڈویژنل کابینہ کی منظوری سمیت سہ ماہی پروگرامات کی منظوری کو زیر بحث لایا گیا. اجلاس میں کراچی ڈویژن کے تمام تر ٹاؤنز نے اپنی کارکردگی رپورٹ پیش کی. اجلاس کا اختتام دعائے وحدت کی تلاوت کیساتھ کیا گیا۔