وحدت نیوز (گلگت) مجلس وحدت مسلمین گلگت بلتستان کے صوبائی ڈپٹی سیکرٹری جنرل حجت الاسلام و المسلمین علامہ شیخ نیر مصطفویٰ کے مطابق گلگت بلتستان لیول پر مجلس وحدت مسلمین کے زیر اہتمام یوم جوان کا مرکزی اجتماع کل بروز ہفتہ 27مارچ کو جامع مسجد الحجت نومل گلگت میں ہوگا۔

جسمیں گلگت،نگر،استور،اور بلتستان سے مجلس وحدت مسلمین شعبہ جوان کے اراکین شرکت کرینگے۔اس عظیم الشان اجتماع میں گلگت بلتستان کے معروف شعراء کرام، علماء کرام اور تنظیمی رہنما شریک ہونگے۔یوم جوان کے انعقاد کا مقصد نسل جواں کو سیرت حضرت علی اکبر علیہ السلام سے روشناس کرانا اور عصر حاضر کے الحادی حملوں سے محفوظ رکھنا ہے۔

یوم جوان حقیقت میں حجت کبریا امام زمانہ عجل اللہ تعالیٰ فرجہ الشریف کے حضور جوانوں کے عہد کا دن ہے کہ جسمیں مولا کے حضور کڑیل جوان حضرت علی اکبر علیہ السلام کی سیرت کے تناظر میں جوان دین شناسی، اخلاقیات، معاشرہ شناسی اور دشمن شناسی سے آگاہ ہونگے۔انہوں نے مزید کہا۔یوم جوان میں نگر غلمت کے امام جمعہ رہنما مجلس وحدت مسلمین گلگت بلتستان ڈاکٹر علی محمد، پروفیسر شیخ ارشاد حسین مصطفوی، مرکزی آرگنائزر تنظیم سازی شیخ محمدجان حیدری خصوصی خطاب فرماینگے۔