وحدت نیوز(کوئٹہ) زائرین امام حسین ع کے قافلوں پر شر پسند عناصر کی جانب سے پتھراؤ کی بھرپور مذمت کرتے ہیںحکومت زائرین کے تحفظ کو یقینی بنانے کے لیے مؤثر اقدامات کرے مجلس وحدت مسلمین بلوچستان کے صوبائی جنرل سیکرٹری سہیل اکبر شیرازی نے اپنے جاری کردہ بیان میں کہا ہے کہ زائرین امام حسین ع کے قافلوں کو تحفظ دینے میں حکومت کی جانب غفلت برتی جارہی ہے حالانکہ عوام کو تحفظ فراہم کرنا حکومتی اداروں کا اہم ترین فریضہ ہے سبی روڈ دشت ضلع مستونگ میں زائرین امام حسین علیہ السلام کے قافلوں پر شرپسندعناصر کی جانب سے شدید پتھراو کیا گیا ہے جس کی شدید الفاظ میں مذمت کرتے ہیں۔
زائرین کے قافلوں کو جان بوجھ کر انہیں راستوں سے گذارا جا رہا ہے جو روڈ راستے غیر محفوظ ہیں حکومتی اداروں کی جانب سے زائرین امام حسین ع کی سیکورٹی وحفاظت کےمؤثراقدامات نھی کئے گئے ہیں حکومت بلوچستان سے مطالبہ کرتے کہ وہ زائرین کے تحفظ کو یقینی بنانے کے لیے مؤثر اقدامات کرے اور قافلوں کو محفوظ راستوں سے گذارا جائے اورشرپسندوں عناصر کے خلاف کارروائی کی جائے۔