وحدت نیوز(کراچی)امیر جماعت اسلامی کراچی منعم ظفر خان کی مجلس وحدت مسلمین پاکستران کراچی ڈویژن کے صدر علامہ شیخ محمد صادق جعفری سے ملاقات کی اور اہل غزہ سے اظہار یکجہتی کے لیے 13 اپریل کو شاہراہ فیصل پر عظیم الشان ”یکجہتی غزہ مارچ“ میں شرکت کی دعوت دی۔ ملاقات کے دوران غزہ کی تباہی، اسرائیلی جارحیت اور امت مسلمہ کی صورتحال پر تفصیلی تبادلہ خیال کیا گیا۔

 اس موقع پر علامہ صادق جعفری نے 13 اپریل کو شاہراہ فیصل پر ”یکجہتی غزہ مارچ“ کی بھرپور حمایت اور عوام سے شرکت کی اپیل کی ہے۔ ملاقات میں ایم ڈبلیوایم کے رہنما علامہ مبشرحسن، ناصرالحسینی، جماعت اسلامی کے رہنما مسلم پرویز اور زاہد عسکری سمیت دیگر بھی شریک تھے۔