وحدت نیوز(اسلام آباد)مرکزی سیکرٹریٹ ایم ڈبلیو ایم پاکستان میں عشق پیغمبر اعظمؐ مرکز وحدت مسلمین کانفرنس کے حوالے سے ایک اجلاس سید ناصر عباس شیرازی مرکزی جنرل سیکرٹری ایم ڈبلیو ایم پاکستان اورسید اسد عباس نقوی مرکزی سیکرٹری سیاسیات کی سربراہی میں منعقد ہوا، جس میں کانفرنس کے انتظامات اور امور کو حتمی شکل دی گئی۔
اجلاس میں علامہ اقبال بہشتی نائب صدر مجلس علماء مکتب اہلبیت، میثم کاظم اپوزیشن لیڈر گلگت بلتستان اسمبلی، ملک اقرار علوی مرکزی صدر عزاداری ونگ، علامہ ڈاکٹر یونس حیدری، مظاہر شگری، شیخ علی شیر انصاری، ڈاکٹر عیسی آمینی, سید ظہیر عباس نقوی، سید یاور عباس کاظمی، شجاعت علی بلتی اور مسئول آفس ارشاد حسین بنگش بھی موجود تھے۔