وحدت نیوز(اصفہان) ایم ڈبلیو ایم شعبہ اصفہان کے نومنتخب اراکین کی تقریب حلف برداری کا انعقاد۔ تفصیلات کے مطابق 21 فروری بروز بدھ مجلس وحدت مسلمین شعبہ اصفہان کے اراکین کا ایک اہم اجلاس ہوا۔
اجلاس کا آغاز تلاوت قرآن پاک سے کیا گیا جس کی سعادت برادر محمد سلیم کو نصیب ہوئی جس کے بعد ایم ڈبلیو ایم شعبہ اصفہان کے سیکرٹری جنرل اور رکن شوریٰ عالی برادر میرزا محمد نے جلسے کے ایجنڈے پر گفتگو کی۔ان کے بعد مجلس وحدت مسلمین شعبہ اصفہان کے نائب صدر و رکن شوریٰ عالی برادر سید اسرار عباس نے مجلس کے اہداف و مقاصد اور منشور پر مفصل گفتگو فرمائی۔
اجلاس میں صدر مجلس وحدت مسلمین شعبہ اصفہان نے اپنی نئی کابینہ کو منتخب کر کے کابینہ سمیت تمام اراکین سے حلف لیا۔حلف برداری تقریب کے ساتھ اجلاس میں اہم امور پر گفتگو بھی ہوئی۔اجلاس کے بعد تمام اراکین کے اور نو منتخب کابینہ کے اعزاز میں عشائیہ کا اہتمام کیا گیا۔
