وحدت نیوز(علی پور)مجلس وحدت مسلمین اور ہیت امام حسین ؑ کے اشتراک عمل سے یوم ولادت باسعادت امام عالی مقام حسینؑ ابن علیؑ کے پرمسرت موقع پر علی پور کے علاقے بستی شاہ لتی ماڑی میں بڑے فلاحی ورفاعی منصوبوں کا افتتاح کردیا گیا۔
تفصیلات کے مطابق مجلس وحدت مسلمین جنوبی پنجاب کے سیکریٹری جنرل علامہ سید اقتدارحسین نقوی نے دیگر صوبائی وضلعی رہنماؤں کے ہمراہ شاندار مسجد ، یتیم خانے اور اسکول کا افتتاح کردیا۔
اس موقع پر اہل علاقہ نے اس عظیم منصوبے کی تکمیل پر مسرت کا اظہار کیااور ایم ڈبلیوایم کے لئے نیک خواہشات کا اظہارکیا۔