وحدت نیوز(حیدرآباد) مجلسِ وحدت مسلمین شعبہ خواتین پاکستان کی مرکزی ڈپٹی نائب صدر محترمہ اُم البنین زیدی نے خصوصی دعوت پر مجلس وحدت مسلمین شعبہ خواتین حیدرآباد کے زیر انتظام چلنے والا فلاحی پراجیکٹ بیتِ زہرہ کا دورہ کیا، جہاں بیتِ زہرہ کی مختلف شعبوں سے وابستہ ذمہ دار خواہران کی ٹیم سے بھی ملاقات کی گی۔جسکے بعد فلاحی و رفاہ عامہ پر مشتمل، تدریسی و تنظیمی پروجیکٹ کا تفصیلی وزٹ کرتے ہوئے، اہداف کے حصول کے سلسلے میں پیش آنے والی مشکلات اور ان سے نبھرد آزما ہوتے ہوئے، ملنے والی کامیابیوں پر تفصیلی روشنی ڈالی گئی۔
محترمہ اُم البنین نے بیتِ زہرا سلام اللہ علیھا کی ٹیم کی انتھک محنت کو انتہائی قابل ستائش اور قابل تقلید طرزِ عمل قرار دیتے ہوئے مزید نیک توفیقات میں اضافہ کی دعا کیساتھ اس وزٹ پر دعوت دینے کا شکریہ ادا کیا۔ محترمہ اُم البنین نے اپنے دورہ حیدر آباد کے دوران محترمہ سیمی نقوی مرکزی سیکرٹری روابط ایم ڈبلیو ایم شعبہ خواتین سے بھی خصوصی ملاقات کی جس میں ملکی سیاسی صورتحال اور آنے والے بلدیاتی الیکشن کے حوالے سے تفصیلی گفتگو کی گئی۔