وحدت نیوز(مظفرآباد) جوائنٹ ایکشن کمیٹی فار شیعہ مسنگ پرسن آزاد کشمیر کی طرف سے مظفرآباد میں احتجاج کیا گیا۔احتجاج سےزعیم ملت مفتی سید کفایت حسین نقوی ،سیکرٹری جنرل مجلس وحدت مسلمین آزاد کشمیر علامہ سید تصور حسین نقوی الجوادی، شیخ غلام حسن صابری،ریجنل ناظم امامیہ آرگنائزیشن آزاد کشمیر سید زوار نقوی ،ڈویژنل صدر آئی ایس او آزادکشمیر ڈویژن برادر قمر عباس،جنرل سیکرٹری آئی ایس او آزادکشمیر ڈویژن برادر سید اکرام کاظمی،آئی ایس او آزادکشمیر ڈویژن کے برادر سیدکرامت کاظمی الحسینی نے خطاب کیا۔

اس موقع پر سیکرٹری جنرل مجلس وحدت مسلمین آزادکشمیر علامہ سید تصور حسین نقوی الجوادی نے خطاب کرتے ہوۓ کہا کہ ملک میں لاپتہ شعیہ افراد کی بازیابی کے لیے شروع ہونے والی ہر تحریک کی حمایت کرتےہیں۔کسی بھی حکومتی ادرے کو یہ حق حاصل نہیں کہ وہ نوجوانوں کو گھروں سے اٹھا کر ان کی زندگی کا قیمتی ترین حصہ حفیہ عقوبت خانوں کی نظر کریں۔اس غیر آئینی اقدام کے خلاف کبھی خاموش نہیں بیٹھیں گے۔ہم اس ملک کے اند آئین و قوانین کی بالادستی چاہتے ہیں اور اپنے اس موقف سے کبھی دستبردار نہیں ہوں گے۔