وحدت نیوز(سکردو) سیکرٹری جنرل مجلس وحدت مسلمین گلگت بلتستان آغا علی رضوی نے حریت رہنما سید علی گیلانی کے انتقال پر افسوس کا اظہار کرتے ہوئے کہا ہے کہ حریت رہنما سید علی گیلانی کی رحلت پر تمام مسلمین جہاں کی خدمت میں تسلیت عرض کرتے ہیں، وہ ایک عظیم رہنما، جہد مسلسل کی علامت، مجاھد، حریت و آزادی کے علمبردار، ظلم سے برسرپیکار شخصیت کے مالک تھے۔ وہ غیرت و حمیت کی علامت تھے، نہ فقط کشمیر و برصغیر بلکہ عالم اسلام میں ایک عظیم حیثیت اور مقام کے مالک تھے۔ انکی شخصیت کشمیری مسلمانوں کے اندر ایک امید کی کرن تھی اور آزادی کے راستے کے بے باک رہنما کے طور پر مانا جاتا تھا۔ کشمیری مسلمانوں کے لئے انکی سیرت آزادی پسند مجاھدین کے لئے نمونہ عمل ہے۔