وحدت نیوز(کوئٹہ)مجلس علماء مکتب اہلبیت پاکستان صوبہ بلوچستان کی صوبائی مجلس عاملہ کا اہم اجلاس کوئٹہ میں منعقد ہوا ۔اجلاس کی صدارت مجلس علماء مکتب اہلبیت بلوچستان کے صدر علامہ ڈاکٹر محمد موسی حسینی نے کی۔اس موقعہ پر مجلس نظارت کے رکن علامہ ہاشم موسوی ,MWM بلوچستان کے نائب صدر علامہ شیخ ولایت حسین جعفری , علامہ برکت علی مطہری , علامہ ذوالفقارعلی سعیدی اور علامہ علی نواز عرفانی نے خطاب کیا ۔اجلاس میں مجلس علماء مکتب اہلبیت ضلع کوئٹہ , ضلع جھل مگسی , ضلع صحبت پور , ضلع نصیر آباد اور ضلع جعفر آباد کے اراکین نے اپنی کارکردگی رپورٹ پیش کی۔