وحدت نیوز(کوئٹہ) مجلس وحدت مسلمین بلوچستان کے جنرل سیکرٹری سہیل اکبر شیرازی نے ایم ڈبلیو ایم پاکستان ریاست آزاد کشمیر کے سابق سیکرٹری جنرل اور جید عالم دین علامہ سید تصور حسین جوادی کی ناگہانی وفات پر تعزیت کا اظہار کرتے ہوئے کہا ہے کہ عالم دین ایسا ستارہ ہے جو موت کی وجہ سے بے نور ہوگیا۔ یہ ایک بڑا خسارہ اور ایک عہد کا خاتمہ ہے۔ ایم ڈبلیو ایم بلوچستان کے رہنماء نے رسول اکرم صلی اللہ علیہ و آلہ وسلم کی حدیث پیش کرتے ہوئے کہا کہ رسول اللہ (ص) کا فرمان ہے کہ "ایک عالم دین کی موت پورے عالَم کی موت ہے"۔ سہیل اکبر شیرازی نے کہا کہ اگر ایک عالم دین دنیا سے رخصت ہو جاتا ہے تو اس علاقے کے عوام اس عالم کی موت کے باعث علمی روشنی سے محروم ہو جاتے ہیں۔ ایک عالم دین کی موت ایک مصیبت ہے۔ جس کی تلافی ممکن نہیں ہوسکتی اور ایسا نقصان ہے جو پورا نہیں ہوسکتا۔ انہوں نے کہا کہ عالم ایسا ستارہ ہے جو موت کی وجہ سے بے نور ہوگیا۔ ایک بڑا خسارہ اور ایک عہد کا خاتمہ ہے۔ ایم ڈبلیو ایم بلوچستان کے رہنماء نے دعا کی کہ اللہ تعالیٰ مرحوم کے سوگوار لواحقین کو صبر جمیل عطا فرمائے اور مرحوم کی المناک موت کا گہرا صدمہ برداشت کرنے کی توفیق عطاء فرمائے۔