وحدت نیوز(کراچی) پاکستان پیپلزپارٹی کے سینئررہنما اور صوبائی وزیر مذہبی امور سید ناصرحسین شاہ کی والدہ محترمہ طویل علالت کے بعد کراچی کے نجی اسپتال میں خالق حقیقی سے جا ملیں، مرحومہ کے انتقال پرمجلس وحدت مسلمین صوبہ سندھ کے پولیٹیکل سیکریٹری سید علی حسین نقوی اور کراچی ڈویژن کے پولیٹیکل سیکریٹری میر تقی ظفر نے وحدت ہاؤس کراچی سے جاری اپنے مشترکہ تعزیتی بیان کہاکہ ناصرحسین شاہ کی والدہ کے انتقال کی خبر سن کر دلی افسوس اور رنج کا احساس ہوا۔
ایم ڈبلیوایم کے رہنماؤں نے کہاکہ ناصرحسین شاہ اور ان کےاہل خانہ کے لئے یہ صدمہ انتہائی تکلیف دے ہے، ماں جیسی نعمت کا کوئی بدل نہیں ،ہم دکھ کی اس گھڑی میں ناصرحسین شاہ اوردیگر پسماندگان کے غم میں برابر کے شریک ہیں اور خدا وند متعال کی بارگاہ میں دعا گو ہیں کہ وہ مرحومہ کے تمام گناہان کبیرہ وصغیرہ کو معاف فرمائے اور انہیں جوارآئمہ معصومین ؑ میں محشور فرمائے۔
