وحدت نیوز(لاہور)صوبائی صدر مجلس وحدت مسلمین صوبہ پنجاب جناب علامہ سید علی اکبر کاظمی کی زیر صدارت صوبائی کابینہ کا اہم آن لائن اجلاس منعقد ہوا جس میں کابینہ کے تمام معزز ممبران نے شرکت فرمائی ۔ میٹنگ کو ایجنڈے کے عین مطابق برادر سید حسن کاظمی نے مینج کیا میٹنگ کا آغاز تلاوت قرآن پاک جس کی سعادت علامہ سید ملازم حسین نقوی نے حاصل کی جبکہ حدیث اخلاقی برادر نجیب نقوی صاحب نے بیان فرمائی ۔
میٹنگ میں تمام موضوعات پر سیر حاصل گفتگو کی گئی اور معزز ممبران کی جانب سے بہترین آرا پیش کی گئی اور بہترین فیصلے کیے گئے ۔ آغا سید حسین شاہ زیدی صاحب ، شیخ عمران علی صاحب ،نجیب الحسن نقوی صاحب ،مظہر جعفری صاحب ،انوار زیدی صاحب ،حاجی مشتاق ورک صاحب ، برادر سید فصاحت علی بخاری صاحب ، سید اقبال حسین شاہ صاحب ،علامہ ڈاکٹر گلزار احمد جعفری صاحب ،برادر اسدعلی بلتستانی صاحب ، برادر رائے ناصر صاحب نے بڑی خوبصورت انداز میں اپنی اپنی آراء پیش کیں۔ کئی اہم فیصلے کیے گئے ۔ ان شاءاللہ جلد ہی صوبائی کابینہ کی فزیکل میٹنگ منعقد ہوگی ۔