وحدت نیوز(لاہور) مجلس وحدت مسلمین پنجاب کے صوبائی سیکرٹری جنرل علامہ عبدالخالق اسدی نے کہا کہ بلوچستان، اور سندھ میں عزاداری سید الشہداء امام حسین علیہ السلام پر کوئی مقدمہ درج نہیں ہوا جبکہ پنجاب میں سینکڑوں مقامات پر خود سرکار کی مدعیت میں ہماری عبادت کے خلاف جھوٹے مقدمات درج کیے گئے ہیں یعنی کہ ابن زیاد کا کردار پنجاب حکومت ادا کر رہی ہے. ان خیالات کا اظہار انہوں نےمجلس وحدت مسلمین سینٹرل پنجاب کے دو روزہ صوبائی شوریٰ کے اجلاس سے خطاب کرتے ہوئے آج لاہور میں کیا۔

انہوں نے کہا کہ عزاداران حسین ؑ کسی صورت حکومتی و تکفیری سازشوں کے آگے سر تسلیم خم نہیں کریں گے، عزاداری ہماری موت و حیات کا مسئلہ ہےجس سے کسی صورت دستبردار نہیں ہوا جاسکتا۔