وحدت نیوز (اسلام آباد) گلگت بلتستان کے ٹرانسپورٹرز کے ساتھ ناروا سلوک بند نہ کیا تو اُن کے ساتھ سڑکوں پر آئینگے،گذشتہ چھے دن سے ان مظلوموں کے ساتھ جو سلوک روا رکھا جا رہا ہے،وہ ناقابل برداشت ہے،پاکستان تحریک انصاف کے مرکزی سیکرٹری جنرل جہانگیر ترین کو مجلس وحدت مسلمین پاکستان کے مرکزی سیکرٹری سیاسیات سید ناصر شیرازی کا ٹیلی فون ۔کے پی کے گورنمنٹ کی جانب سے گلگت بلتستان کے ٹرانسپورٹرز کو درپیش مسائل پر گفتگو کی،سید ناصر شیرازی نے کہا کہ کے پی کے حکومت گلگت بلتستان کے گرفتار ٹرانسپورٹرز رہنماوُں کو فوری رہا کریں اور اُن کے جائز مطالبات کو تسلیم کریں ہم اس احتجاج کو ختم کرنے کی ٹرانسپورٹرز سے اپیل کریں گے،جہانگیر ترین نے ٹرانسپورٹرز کے ساتھ پیش آنے والے واقعے پر افسوس کا اظہار کرتے ہوئے اسے حل کرنے کی یقن دہانی کرائی۔
مجلس وحدت مسلمین پاکستان
مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے
