وحدت نیوز(اسلام آباد) مجلس وحدت مسلمین پاکستان کے مرکزی رہنما علامہ اعجاز حسین بہشتی کا آیت اللہ اکبر علی رفسنجانی کی رحلت پر تعزیتی بیان میں کہنا تھا کہ آیت اللہ رفسنجانی انقلاب اسلامی ایران کے ستونوں میں سے ایک ستون تھے انقلاب اسلامی میں ان کی گراں قدر خدمات کو کوئی فراموش نہیں کرسکتا۔
علامہ اعجاز بہشتی کا مزید کہنا تھا کہ آیت اللہ رفسنجانی نے بانی انقلاب آیت اللہ خمینی کے ہر فرمان پر لبیک کہا اور زندان کی صعبتیں بھی برداشت کی لیکن کھبی ظالم شاہ کے آگے سر نہیں جھکایا۔ انھوں نے انقلام اسلامی کے ساتھ ساتھ اتحاد امت مسلمہ کے لئے بھی گراں قدر خدمات انجام دئیے۔ یقینا آج ہم ایک عظیم شخصیت سے جدا ہوگئے ہیں جن کی جگہ کوئی اور پر نہیں کرسکتا۔
