وحدت نیوز(اسلام آباد) مجلس وحدت مسلمین پاکستان کے سربراہ علامہ راجہ ناصرعباس جعفری نے محرم الحرام کے حوالے سے مرکزی کابینہ اور بین الصوبائی سیکریٹریز کا اجلاس جمعہ کو مرکزی سیکریٹریٹ اسلام آباد میں طلب کرلیا۔ اجلاس میں آمدہ محرم الحرام،علمائے کرام اور ذاکرین پر عائد پابندیوں،علمائے کرام کے اکائونٹس فریز کرنے،عزاداروں پر بنائے گئے بے بنیاد کیسز کے حوالے سے فیصلہ جات کیے جائیں گے، اجلاس میں مجلس وحدت مسلمین کی مرکزی کابینہ،پنجاب،جنوبی پنجاب،سندھ،بلوچستان،خیبرپختونخواہ،گلگت بلتستان اور آزادکشمیر کے سیکرٹری جنرل شرکت کریں گے۔
مجلس وحدت مسلمین پاکستان
مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے
