وحدت نیوز (اسلام آباد) مجلس وحدت مسلمین پاکستان کے مختلف شعبہ جات کا سالانہ اجلاس مرکزی سیکرٹریٹ میں منعقد ہوا جس میںتنظیم کی مجموعی فعالیت کا جائزہ لیا گیا۔جماعت کو درپیش مشکلات اور قومی استحکام کے حصول کے لیے مطلوبہ اہداف کی فوری تکمیل کے لیے اہم امور پر خصوصی پیش رفت کی ضرورت پر بھی روشنی ڈالی گئی۔ایم ڈبلیو ایم کے شعبہ تنظیم سازی، میڈیا،فلاح و بہبود  اور تربیت سمیت دیگر شعبوں کی کارکردگی کی مزید موثر بنانے کے لیے جامع اور فوری حکمت عملی مرتب کرنے پر زور دیا گیا۔ قومی وژن پر مرتب کیے جانے والے تین سالہ پروگرام کو حتمی شکل دی گئی جو تین حصوں پر مشتمل ہے۔پروگرام کے نکات اور اہداف پر ضرورت کے مطابق باہمی مشاورت سے ردو بدل کی گنجائش موجود رہے گی۔سالانہ احتساب کو اس وژن میں امتیازی حیثیت حاصل رہے گی تاکہ انفرادی کارکردگی اور مجموعی کارگزاری کو جانچا جاسکے۔مرکزی سطح پر طے پائے جانے والا یہ پروگرام صوبائی اور ضلعی سطح پر بھی اسی انداز سے فعال کیا جائے گا تاکہ زیادہ سے زیادہ نتائج حاصل کیے جا سکیں۔علاقائی یونٹس کے لیے بھی اس میں خصوصی رہنمائی کے اصول وضع ہوں گے۔اجلاس میں مرکزی اراکین کے علاوہ علامہ غلام حر شبیری ، علامہ اقبال بہشتی ، علامہ اصغر عسکری نے مبصر کے طور پر شرکت کی ۔ یاد رہے 27/28 دسمبرکو شوریٰ عالیٰ کے اجلاس میں پرگرام کی منظوری دی جائے گی ۔ جبکہ 26 دسمبر کو مرکزی کابینہ کا طویل اجلاس متوقع ہے۔

وحدت نیوز (لاہور) مجلس وحدت مسلمین پاکستان کے مرکزی سیکرٹری سیاسیات سید اسد عباس نقوی کا صوبائی سیکرٹریٹ لاہور میں اہلسنت جماعتوں کے رہنماوں پیر عثمان نوری سنئیر نائب صدر ملی یکجہتی کونسل پنجاب ،محسن گیلانی رہنما نوری فاونڈیشن پاکستان،علامہ جاوید اکبر ثاقی چئیرمین تحریک وحدت اسلامی پاکستان،ڈاکٹر امجد چشتی جنرل سیکرٹری جمعیت علمائے پاکستان نیازی گروپ سے ملاقات کی،ملاقات میں اہلسنت علماء نے ماہ مبارک ربیع الاول میں شیعہ سنی وحدت کے بے مثال عملی اقدامات پر مجلس وحدت مسلمین کے سربراہ علامہ راجہ ناصر عباس جعفری کا شکریہ ادا کیا،اہلسنت علماء کرام نے موجودہ ملکی صورت حال اور مشرقی وسطی میں تکفیریوں کے شکست پر پاکستان میں داعش اور تکفیریوں کے ہمدروں کے پروپیگنڈے کی بھر پور مذمت کی۔اہلسنت رہنماوں نے مجلس وحدت مسلمین کی اتحاد امت کے لئے کوششوں کو سراہتے ہوئے اس عزم کا اظہار کیا کہ پاکستان میں انشااللہ شیعہ سنی مل کر تکفیریوں کے ناپاک عزائم کو خاک میں ملادیں گے،اہلسنت رہنماوں نے یمن کے سمندری حدود میں پاکستانی بحری عملے پر سعودیوں کی حملے کی مذمت کرتے ہوئے پاکستانی حکومت کی خاموشی کو قابل تشویش قرار دیا انہوں نے حکومت سے مطالبہ کیا کہ وہ سعودی سفیر کو طلب کرکے بے گناہ پاکستانیوں کے قتل پر آل سعود سے احتجاج کرے۔