وحدت نیوز(ملتان)مجلس وحدت مسلمین ضلع ملتان کا اجلاس ضلعی سیکرٹری جنرل مولانا وسیم عباس معصومی کی زیرصدارت النور اسلامک سنٹر میں منعقد ہوا، اجلاس میں خصوصی طور پر ایم ڈبلیو ایم جنوبی پنجاب کے ڈپٹی سیکرٹری جنرل سلیم عباس صدیقی، صوبائی رہنماء و ممبر متحدہ علماء بورڈ پنجاب علامہ قاضی نادر حسین علوی نے شرکت کی۔ اجلاس میں ضلعی ڈپٹی سیکرٹری جنرل غلام حسنین انصاری، مرزا وجاہت علی، مولانا ہادی حسین، ارتضیٰ نقوی، عون رضا انجم، سید عاصم زیدی، عاشق حسین جوئیہ، تیمور حیدر اور محمد رضا مومن بھی موجود تھے۔

اجلاس میں یوم القدس اور یوم انہدام جنت البقیع کے حوالے سے فیصلہ جات کیے گئے۔ اجلاس میں فیصلہ کیا گیا کہ ایم ڈبلیو ایم سابق پروگراموں کے ساتھ ساتھ اس سال شب جمعہ کو مظلوم فلسطینیوں کی حمایت میں مشعل بردار ریلی نکالے گی اور شہدائے فلسطین و مقاومت کو خراج تحسین پیش کرنے کے لیے شمعیں بھی روشن کرے گی۔ اجلاس میں فیصلہ کیا گیا کہ ماضی کی طرح اس سال بھی مجلس وحدت مسلمین یوم انہدام جنت البقیع منائے گی۔ یوم انہدام جنت القبیع کا مرکزی ماتمی جلوس گھنٹہ گھر چوک سے نواں شہر چوک تک نکالا جائے گا۔